Yurgen Klopp “Liverpul”ning chempionlikdan 12 ochko ajratib turgani borasida fikr bildirib o‘tdi.
-YUrgen ayni damda jamoani chempionlikdan 4 ta g‘alaba ajratib turibdi xolos. Qolgan o‘yinlar haqida qanday fikr bildirasiz?
- Endilikda ochko avvalgilaridan ko‘ra qiyinroq qo‘lga kiritiladi. Doimmo shunday bo‘lgan va bo‘lib kelmoqda. Agar men biz bu ochkolarni osonlik bilan qo‘lga kiritamiz desam hech kim ishonmaydi. Aslida hammasi qanchalar qiyin ekanligini “Vest Hem”ga qarshi uchrashuvda ko‘rdingiz.
Agar biz “Vest Hem”ga imkoniyatni boy berib qo‘yganimizda bormi? Hozir butun Britaniya jurnalistlari bu ketma-ket ikkinchi mag‘lubiyat deb shov-shuv ko‘targan bo‘lar edi. Yaxshiyam-ki, kechagi uchrashuvda g‘alaba qozondik, aks xolda bugun katta bosim ostida qolib ketgan bo‘lar edik. Bunday bosim bilan “Uotfurd”ga qarshi o‘yin oson bo‘lmasligi aniq edi. Boz ustiga, “Uotfurd” hech qanday bosimlarsiz ham kuchli jamoa. Men ularning “Manchester Yunayted”ga qarshi uchrashuvlarini tomosha qildim. Ular “qizil iblilsar”ga qarshi birinchi o‘yinni yaxshi o‘tkazishdi va kurashdan chiqib ketishmoqchi emas.
Shuni unutmaslik lozim-ki, ayni damga kelib barcha jamoa natija uchun harakat qilishni boshladi. Mavsum so‘ngiga qadar biz bilan to‘qnash keladigan birorta jamoadan osonlik bilan ochko olamiz deb o‘ylamayman. Bu uchrashuvlar “Liverpul” uchun sayr bo‘lmasligi aniq. Biz shunchaki mehnat qilishga tayyor bo‘lishimiz kerak. Bu futbolchilarimning faoliyatidagi eng og‘ir mehnat bo‘lishi aniq. Shu o‘rinda butun mavsum davomida bizni qo‘llab turgan muxlislarga o‘z minaddorchiligimni bildirib o‘tmoqchiman.
Aynan ular bizni butun mavsum davomida qo‘llab-quvvatlab turishdi. Men ularning hizmatlarini yuqori baholayman. Umid qilamanki, mavsumning hal qiluvchi palasida ular yanada faol bo‘lishadi. Men “Liverpul” muxlislari juda ko‘p ekanligini bilaman. Jamoaning dunyoning barcha nuqtalarida muxlislar “bandasi” mavjud. Ular bizni ilhomlantirishmoqda. Muxlislarimiz boshqa jamoa fanatlaridan ajralib turishadi va ular boshqa olamning odamlari!
