Ushbu ruknimizdagi eng so‘nggi yangiliklar bilan tanishtirishda davom etamiz.
“Arsenal” Obemeyangni ushlab qolmaydi
Londonning “Arsenal” jamoasi o‘z hujumchisi Pyer-EmerikObameyangniyozda sotib yuborishga tayyor ekanligini ma’lum qildi. Gap shundaki, “Kononirlar” gabonlik futbolchini kuch bilan jamoada olib qolmoqchi emas. Sababi Obameyang jamoa bilan 2021-yilga qadar tuzilgan shartnomani uzaytirishdan bosh tortgach, “Arsenal” shu qarorga keldi.
“Daily star” nashrining ma’lum qilishicha, “kononirlar” yozda futbolchi borasidagi barcha takliflarni ko‘rib chiqishga tayyor. Shunga qaramay, Londonliklar futbolchini iloji boricha APL jamoalariga sotmaslikka harakat qiladi.
Ayni damda gabonlik hujumchini qo‘lga kiritish uchun “Inter” va “Barselona” jamoalari asosiy da’vogar bo‘lib turibdi.
“Bavariya” yangi himoyachi topdi
Myunhenning “Bavariya” jamoasi “Frayburg” markaziy himoyachisi Robin Kox bilan jiddiy qiziqib qoldi. Ayni damda Kox o‘zining Bundesigadagi 3-mavsumini o‘tkazmoqda.
“Bild” nashrining ma’lum qilishicha, Myunhen klubi Robinni tez orada jamoadan ketishi kutilayotgan Jerom Boatengning o‘rnini egallashiga umid qilmoqda.
Shunga qaramay, futbolchini qo‘lga kiritish oson bo‘lmasligi aniq. Markaziy himoyachi uchun shuningdek “RB Leypsig” va “Benfika” jamoalari ham kurashga kirishgan.
“Frayburg” katta ehtimol bilan yozda o‘z yetakchisini sotib yuboradi. Sababi, klub va futbolchi o‘rtasidagi shartnoma 2021-yilga qadar mo‘ljallangan.
“Chelsi”dan BOOM bo‘ladimi?
“Okdiario”ning xabar berishicha, “Chelsi” Yan Oblak borasida “Atletiko Madrid”ga fantastik taklif jo‘natmoqchi. Unga ko‘ra, “aristokratlar” Oblak uchun Kepa Arrisabalaga va 30 million yevro berishni rejalashtirmoqda. Bu taklif yozda ko‘rib chiqiladi. Hozircha “Atletiko” “Chelsi”ning taklifiga reaksiya bildirishga shoshilmayapti.
Eslatib o‘tamiz, “Atletiko” posboni “La Liga”ning 25 ta uchrashuvida maydonga tushgan bo‘lib, o‘yinlarning 11 tasida o‘z darvozasi dahlsizligini saqlab qolgan.
“Yuventus” futbolchisi APL klubiga o‘tishi mumkin
Turinning “Yuventus” jamoasi yarim himoyachisi Bles Matiyudi yozda APL klublaridan biriga o‘tishi mumkin.
“Calciomercato” nashri bergan ma’lumotlarga qaraganda, 32 yoshli futbolchi bilan “Manchester Yunayted” va “Arsenal” jamoalari jiddiy qiziqish bildirgan.
Fransiyalik futbolchiga Turin super klubi 2022-yilga qadar mo‘ljallangan shartnoma taklif qilmoqda. Agar, Matiyudi shartnoma imzolashdan bosh tortsa, yozda erkin agent sifatida istagan jamoasiga o‘tishi mumkin.
Eslatib o‘tamiz, yarim himoyachi ushbu mavsumda “A seriya”ning 22 ta o‘yinida ishitok etdi va o‘z hisobiga 2 ta assistni yozib qo‘ydi.
Joze sobiq shogirdini yangi jamoasiga chorlamoqda
Londonning “Tottenhem” jamoasi bosh murabbiyi Joze Mourino yozda erkin agentga aylanishi kutilayotgan “Chelsi” futbolchisi - Villianni o‘z jamoasiga chorlamoqda.
“Dailystar” nashri bergan xabarlarga ko‘ra, murabbiy allaqachon braziliyalik futbolchi bilan aloqaga chiqishga ulgurgan.
Xabaringiz bor, ayni damda Villian “Chelsi”ning asosiy futbolchisi bo‘lishiga qaramay, “aristokratlar” bilan yangi shartnoma borasida kelishuvga erisha olmayapti.
