Armanistonlik futbolchi Genrix Mxitaryan o‘z vaqtida uni Rossiyaga chempionatiga olib o‘tishmoqchi bo‘lganligini xotirladi.
«Aniq eslayman, o‘shanda "Spartak" klubi menga jiddiy qiziqish bildirgandi. Lekin men «Shaxter» tarkibida o‘ynayotganimda Sobiq Ittifoqning eng kuchli klublaridan birida o‘ynayotganimni his qilardim. Shu sababli, menda RPL klublariga o‘tishga xohish bo‘lmagan. Men faqat Yevropadan tushadigan takliflarni ko‘rib chiqqandim.
«Anji» klubi ham juda katta mablag‘li taklif yuborgan. Lekin men orzularimdan voz kechmasdan mehnat qilishda davom etganman. Mahachqal’aga ko‘chib o‘tishni istiqbolli deb ko‘rmaganman. O‘sha paytda menga Samuel Eto’oning mablag‘idan sal ozroq summa taklif qilishgan edi», — dedi Genrix Mxitaryan.
