Turinning "Yuventus" klubi hujumchisi Krishtianu Ronalduning onasi Doloresh Aveyru bugun tunda shoshilinch kasalxonaga yotqizildi.
A Bola nashrining tarqatgan ma’lumotiga qaraganda, 65 yoshli ayolga insult tashxisi qo‘yilgan. Shifokorlar juda tez harakat qilishdi va og‘ir oqibatlarning oldi olindi.
Ayni paytda Ronalduning onasi shifokorlar nazoratida bo‘lib turibdi.
Eslatib o‘tamiz, Doloresh Aveyru shuningdek, ko‘krak saratoniga qarshi ham kurash olib boradi. U bu haqda o‘tgan yili xabar bergandi.
