Angliya chempionatining 29-turi doirasida "Old Trafford"da Manchester shahrining ikki jamoasi o‘zaro to‘qnash kelishdi.

"Yunayted" birinchi bo‘limni ancha faol o‘tkazdi va 30-daqiqada hisobni ochishga muvaffaq bo‘ldi. Brunu Fernandesh jarima to‘pini "jonli devor" ustidan oshirib, Marsialga yetkazdi. Antoni esa to‘pni yerga tushirmasdan darvoza tomon tepdi. "Manchester Siti" posboni Ederson yaqin burchagidan to‘pni o‘tkazib yubordi.

Ikkinchi bo‘lim boshida esa Aguero darvozabon bilan yakkama-yayaka vaziyatga chiqib, mezbonlar darvozasini ishg‘ol qildi. Ammo argentinalik futbolchi ofsadda qolganini VAR aniqlab berdi.

O‘yin oxiriga qadar jamoalar bir martadan juda qulay imkoniyatlardan foydalana olishmadi. Ikkinchi bo‘limga qo‘shib berilgan 6-daqiqada esa "Siti" posboni Ederson qo‘pol xatoga yo‘l qo‘ydi. Skott Maktominey undan samarali foydalanib, o‘yinga nuqta qo‘ydi — 2:0!

Shu tariqa, Sulsher boshchiligidagi "MYU" ushbu mavsumda ikkinchi marta "Siti"ni mag‘lub etishga muvaffaq bo‘ldi. Ushbu g‘alabadan keyin "Yunayted" o‘z ochkolarini 45taga yetkazib, 5-pog‘onaga ko‘tarilib oldi. Gvardiola jamoasi esa ushbu mavsumda 2-pog‘onadan pastga tushib ketmasa kerak. Ammo "Liverpul"ning chempion bo‘lishiga 2ta g‘alaba kifoya qiladi.

APL, 29-tur
Manchester Yunayted – Manchester Siti 2:0 (1:0)
Gollar: 1:0 – 30 Marsyal, 2:0 – 90 Maktomini.
Manchester Yunayted – De Xea, Uilyams (Bayi, 78), Shou, Lindelef, Uan-Bissaka, Brunu Fernandesh (Igalo, 88), Matich, Djeyms, Fred, Marsyal (Maktomini, 78), Maguayr.
Manchester Siti – Ederson, Otamendi, Joau Kanselu, Zinchenko (Mendi, 77), Fernandinyo, Bernardu Silva (Marez, 59), Rodri Ernandes, Foden, Gyundogan, Sterling, Aguero (Gabriel Jezus, 59).
Ogohlantirishlar: Fernandinyo (29), Rodri Ernandes (30), Fred (42), Joau Kanselu (59), Maguayr (90), Gabriel Jezus (90).