Iordaniyaning Amman shahrida boks bo‘yicha lisenzion musobaqa davom etmoqda.

Kecha chorak final bosqichi qozog‘istonlik Abilxan Amanqulga yutqazgan 75 kg. vazndagi bokschimiz Fanat Qahramonov, bugun yo‘llanma uchun kurashni davom ettirdi. Hamyurtimiz eronlik Sayidshahin Musaviyga qarshi ringga ko‘tarildi.

Tengma-teng kechgan birinchi raundda hakamlar ustunlikni fors sportchisiga berishdi. Fanat esa ikkinchi raundda hisobni tenglashtirishga muvaffaq bo‘ldi. Uchinchi raundda bokschilar g‘alabani o‘z tomonlariga og‘dirishga harakat qilishdi. Yakunda esa Qahramonov olimpiada yo‘llanmasidan quruq qoldi — 1:4 (29:28, 28:29, 28:29, 28:29, 28:29).

Shu tariqa, Ammanga yo‘l olgan 8 nafar erkak bokschimizdan 2 nafari — Dilshod Ro‘zmatov (81 kg.) va Fanat Qahramonov (75 kg.) Tokio-2020 yo‘llanmasini qo‘lga kirita olishmadi.