"Paxtakor" yoshlar jamoasi U-21 birinchiligi 3-turida "Metallurg"dan kichik hisobda ustun keldi.
Birinchi bo‘lim deyarli teng kurashlar ostida o‘tdi. Xavfli vaziyatlar yuzaga kelishiga himoyachilar yo‘l qo‘yishmadi. Faqat bir holatda raqib posboni "sherlar"dan Mamasidiqov va Chikrizovning ketma-ket bergan aniq zarbalari yo‘liga g‘ov bo‘ldi.
Ikkinchi bo‘limda 10 oylik tanaffusdan keyin Javohir Sidiqov tushirildi. U tizzasidan olgan og‘ir jarohati sababli uzoq muddatga safdan chiqqandi. Yarim himoyachi asta-sekinlik bilan yaxshi holatga kirib olishi kutilmoqda. 57-daqiqada o‘yin taqdirini hal qilgan yagona gol Alisher Odilov tomonidan urildi. U Fayzullayevning uzatmasidan so‘ng yaqin masofadan darvozani ishg‘ol qildi. Odilov uch o‘yinning barchasida to‘p kiritdi va gollari sonini 4taga yetkazdi. Kichik hisobdagi muvaffaqiyat Stanislav Kudryashov shogirdlarining yuqori o‘rinlarda borishini davom ettirmoqda.
"PAXTAKOR" - "METALLURG" - 1:0 (0:0)
13 mart. Qibray. "Qibray" stadioni.
Hakamlar: G‘.Jo‘rayev, SH.A’zamov, I.Azimov, F.YAnsupov.
Nazoratchi: F.Abdullayev.
"Paxtakor": Hamroyev, Salimov, Mirsaidov, Ramazonov, Mirzayev (Tursunov, 46), Shamsiyev, Odilov (Jiyanov, 90+4), Sultonmurodov, Hamidjonov, Chikrizov (Sidiqov, 46), Mamasidiqov (Fayzullayev, 46).
"Metallurg": Vagin, Turg‘unboyev (Azizboyev, 78), Qudratillayev, A.G‘aybullayev (Qo‘chqorov, 52), Kamolov, G‘ofurbekov, Ergashev, Anvarov, Botirov, Islomov, G‘ulomov.
Gol: Odilov, 57 - 1:0.
Ogohlantirish: Ergashev, 90.
