"Barselona" futbolchisi Lionel Messi koronavirus haqida gapirdi.

"Hamma uchun qiyin kunlar keldi. Juda xavotirdamiz. O‘zimizni kasallikdan azob chekayotganlarning o‘rniga qo‘yib ko‘raylik. Men bemorlarga juda ko‘p yordam yubormoqchiman.

Salomatlik har doim birinchi o‘rinda turishi kerak. Shuning uchun sog‘liqni saqlash tashkilotlari, mas’ul shaxslarning tavsiyalariga amal qilishimiz kerak. Faqat shu yo‘l bilan samarali kurash olib borishimiz mumkin. Endi hamma mas’uliyatli bo‘lib, uydan chiqmasin. Hozir oila, yaqinlar davrasida bo‘lish uchun eng ma’qul vaqt. Umid qilamanki, ushbu kasallikdan tez qutulamiz", deb yozdi Messi instagramdagi sahifasida.