Stadion.uz Koronavirus yuqtirib olgan futbolchilarning ahvoli haqida ma’lumot berib o‘tadi.
Bejizga futbolchilar ishbu virus uchun eng qulay “o‘lja”ga aylanishmayapti. Tinimsiz parvozlar, og‘ir yuklamalar, kam uyqu va doimo minglab insonlar qurshovida bo‘lish organizmning tolqishiga va virusni qabul qilishiga olib kelmoqda. Bugun so‘nggi kunlarda ushbu dart bilan og‘riyotgan futbolchi va murabbiylarning ahvoli bilan tanishtirib o‘tamiz.
Mikel Arteta
Murabbiy “Olimpiyakos”ga qarshi uchrashuvdan so‘ng virus yuqtirib oldimi yoki keyinmi buni aniqlashning iloji yo‘q. “Arsenal” jamoaviy karantinga chiqarilgach, uning turmush o‘rtog‘i Mikelning yaxshi ekanligi va bu shunchaki shamollash ekanligi ma’lum qilindi.
Artetaning oila a’zolarida o‘tkazilgan testlar salbiy natija berdi. Hammasi joyida. Artetaning oilasi hafvdan yiroq. Artetaning o‘zi ham ancha tuzalib qolganini ma’lum qilgan. Endi uni ikki bor ketma-ket testda ham salbiy natijaga erishsa, uni ham karantindan chiqarib yuborishlari ma’lum qilingan. Aslida 37 yoshli murabbiy APLdagi koronavirus bilan og‘rishi mumkin bo‘lganlar ichida eng so‘nggi pog‘onada borayotgan edi. Sababi, ushbu virus asosan yoshi katta insonlarga tezroq yuqishi fanda ham isbotlandi. Ma’lumotlarga qaraganda, 98,8 foiz yoshlar ushbu virusni yengib o‘tishga qodir. Katta yoshdagilar bunday statistika bilan maqtana olmaydi.
Daniyel Rugani
Himoyachi tinmay dam olayotgani va film tomosha qilishdan charchaganidan yozg‘iringan bo‘lsada, uning sog‘lig‘I yaxshilanib bormoqda. Afsuski, Italiyadagi vaziyat borasida bunday deb bo‘lmaydi. Mamlakatning deyarli 30 foizini tashkil etuvchi qariyalarning ushbu kasallikka moyiligi bois, davlat koronavirusni yengishda qiynalmoqda. Aslida pnivmoniya og‘ir hastalik. Yaxshiyamki, futbolchilarni tibbiy ko‘rikdan o‘tkazishdi va kasallikning ilk bosqichdayoq bartaraf etishga muvaffaq bo‘lindi. Ma’lumotlarga qaraganda, futbolchining ahvoli kundan-kunga yaxshilanib bormoqda. Ayni damda barcha kerakli choralar ko‘rilgan va uning sog‘ayib ketishi uchun kutishgina qoldi xolos. Unda ham Arteta singari simptonlar yo‘q va u ham karantindan chiqishga ruhsat berishlarini kutmoqda.
Garay, Mangala, Gayya
O‘z futbolchilarining koronavirus bilan og‘rib qolgani uchun “Valensiya” Bergamoliklardan xafa emas. Sababi, javob uchrashuvida Garay va Mangala “Atalanta”ga qarshi javob uchrashuvida maydonga tushmagan. Aslida Ispaniyaga bu kasalikni “Atalanta” olib keldi degan qarashlar ham yo‘q emas, biroq bu isbotlanmagan. Bergamoliklar bilan ikkinchi uchrashuvda maydonga tushgan Gayaning bugungi kunda ahvoli ancha yaxshi
Qizig‘i shundaki, futbolchilar topshirgan test ijobiy chiqqan bo‘lsada, ularda hozircha hech qanday simptonlar aniqlanmagan. Shu sababli, klub ularni o‘z uylarida karantinda saqlamoqda. Futbolchilar ham oila a’zolarini ehtiyot qilish maqsadida yolg‘iz hayot kechirishmoqda.
Kallum Xadson -Odoi
Londonning “Chelsi” jamoasi hujumchisi Xadson-Odoi atigi ikki kun kasal bo‘ldi, biroq bugungi kunga kelib uning ahvoli ancha yaxshi. Yosh va baquvvat organizm kasalni qachon yuqtirgani va qanday yengganini shifokorlar tushuna olmay qolmoqda. Kallum kasalni to‘liq yenggan bo‘lsada, unga klub karantindan chiqishga imkon bermayapti.
Shunga qaramay, “Chelsi” o‘z futbolchilarning barchasini karantindan chiqarmayapti. Mauntning o‘zboshimchaligi uchun klub tez orada jazolashi kutmoqda. London klubi vaziyatga jidiy yondashishda davom etmoqda.
