Futbolchilar boshqalarga bo‘sh paytida qanday yumush bilan shug‘ullanishni tavsiya qilishadi? Masalan, kitob o‘qish.

"Paxtakor" futbolchilari mashg‘ulot va o‘yinlardan bo‘sh vaqtda turli ishlar bilan shug‘ullanishni yoqtirishadi. Bu safar o‘tgan mavsum Superliga to‘purari va chempionatning eng yaxshi futbolchisiga aylangan Dragan Cheran qaysi kitoblarni mutolaa uchun tavsiya qilishini bilib olasiz.

1. "Men - Zlatan"
Ushbu kitobda jahondagi eng mashhur futbolchilardan biri o‘zining futboldagi oson bo‘lmagan yo‘li, yutuqlari va mag‘lubiyatlari, quvonch va alamlari haqida yozib o‘tgan.

2. Aleks Fergyuson avtobiografiyasi
Kitobda ser Aleks o‘zi va yulduz shogirdlari Runi, Bekxem, Van Nistelroy va Ronaldu, o‘z xarakteri, jamoani boshqarish va "Yunayted"ni g‘alabalar sari boshlagan boshqa jihatlar haqida so‘z yuritgan.

3. "Faqat Yaratgan meni so‘roq qilishi mumkin" - Mateya Kejman
Serbiyalik mashhur hujumchi gollarga boy ajoyib faoliyati, jahon darajasidagi klublarda o‘ynagani xususida o‘z kitobida to‘xtalib o‘tgan.

Siz ushbu kitoblardan qay birini o‘qigansiz? Taassurotlaringiz bilan o‘rtoqlashing.