Londonning «Chelsi» klubi sobiq hujumchisi Didye Drogba insonlarni mamlakatlar hukumati tomonidan chiqarilayotgan qarorlarga va Jahon Sog‘liqni Saqlash tashkilotining qoidalariga to‘g‘ri amal qilishga chaqirdi.
«Barchadan koronavirusga jiddiy qarashlarini so‘rayman. Bu ko‘rinmas tahdidni kimlardir jiddiy qabul qilmayotgandir. Lekin bu xato. Hukumat va JSST tomonidan qabul qilingan choralarga rioya qilish kerak. Koronavirus jiddiy muammo, shuning uchun uyda o‘tirish kerak.
Agar siz o‘zingizni juda yaxshi his qilsangiz ham bu sizning kasal emassiz degani emas. O‘zingizni qotilga aylantirmang, uyda qoling», — dedi Didye Drogba.
