Sport vazirligining buyrug‘i va Rossiya xokkey federasiyasining tavsiyasiga ko‘ra, shuningdek epidimiologik vaziyatning yomonlashuvi natijasida Oliy Xokkey ligasi Petrov kubogi va Federasiya kubogi musobaqasining qolgan qismini bekor qildi va mavsumni muddatidan oldin yakunlanganligini rasman e’lon qildi.
Liga raxbariyati turnirni davom ettirish uchun turli variantlarni ko‘rib chiqdi, ammo hozirgi vaqtda aniqki, taqvim va pley-off formatini o‘zgartirishning imkoni yo‘q.
Liganing asosiy maqsadi xokkeychilar, klub xodimlari va muxlislarning salomatlini saqlashdir.
2019/20 yilgi mavsumda klublar egallagan o‘rinlarni o‘rnatilgan tartibda aniqlash yaqin fursat ichida e’lon qilinishi kutilmoqda.
Ma’lumot uchun, VXLda Toshkentning "Humo" jamoasi ham ishtirok etadi va Yevgeniy Popixin shogirdlari musobaqaning pley-off bosqichi chorak finalida Moskvaning "Zvezda" klubiga qarshi beshinchi o‘yinini o‘tkazishi lozim edi. Seriya 3:1 ko‘rinishini olgan vaqtda liga avvaliga 24 mart, so‘ng 10 aprelga qadar xokkey uchrashuvlari to‘xtatib qo‘yilganligini e’lon qilgan edi.
