Urugvaylik himoyachi Diyego Godin A Seriya va Italiya Futbol Federasiyalari rahbariyatini keskin tanqid ostiga oldi. «Inter» himoyachisi koronavirus avj olishni boshlaganida ham chempionat o‘yinlari davom ettirilganidan norozi bo‘ldi.
«Biz so‘nggi daqiqagacha xavf ostida edik. Vaziyat dahshatli bo‘lgunigacha o‘ynayotgandik. Natijada Sog‘liqni Saqlash Vazirligi ishdan chiqdi va kasalxonalar to‘lib ketdi. Shifokorlar endi jiddiy bemorlarni davolashga harakat qilishmaydi, chunki yetarlicha resursga ega emaslar.
Agar Ruganida koronavirus alomatlari sezilmaganida, yana qancha maydonga haydalishimiz aniq emasdi», — dedi Godin.
