Уругвайлик ҳимоячи Диего Годин А Серия ва Италия Футбол Федерациялари раҳбариятини кескин танқид остига олди. «Интер» ҳимоячиси коронавирус авж олишни бошлаганида ҳам чемпионат ўйинлари давом эттирилганидан норози бўлди.
«Биз сўнгги дақиқагача хавф остида эдик. Вазият даҳшатли бўлгунигача ўйнаётгандик. Натижада Соғлиқни Сақлаш Вазирлиги ишдан чиқди ва касалхоналар тўлиб кетди. Шифокорлар энди жиддий беморларни даволашга ҳаракат қилишмайди, чунки етарлича ресурсга эга эмаслар.
Агар Руганида коронавирус аломатлари сезилмаганида, яна қанча майдонга ҳайдалишимиз аниқ эмасди», — деди Годин.
