«Barselona» prezidenti Jozep Bartomeu futbolchilarning maoshini qisqartirish evaziga klub qancha mablag‘ tejashini aytib o‘tdi. Uning so‘zlariga ko‘ra, jamoa 16 million yevro miqdoridagi pulni iqtisod qiladi.
Shundan 14 million yevrosi asosiy jamoa o‘yinchilari hissasiga to‘g‘ri kelsa, 2 million yevro esa qolgan barcha jamoalar (gandbol, basketbol, chim ustida xokkey, futzal, ayollar futbol jamoasi va yoshlar jamoalari) orqali tejaladi.
Eslatib o‘tamiz, "ko‘k-anorranglilar" koronavirus pandemiyasi tufayli yuzaga kelgan tanaffus davri uchun o‘yinchilarning maoshini 70 foizga qisqartirdi.