Xorvatiya terma jamoasining chap qanot himoyachisi Borna Barishich "Roma" va "Napoli" qiziqishlari doirasiga tushib qoldi, deb xabar beradi Transfermarketweb.com.

Manbaning xabariga ko‘ra, Shotlandiya klubi o‘z o‘yinchisi uchun 15 mln yevro olmoqchi.

Eslatib o‘tamiz, 27 yoshli Barisichni "Reynjers" 2018-yilning avgustida "Osiyok"dan 2,45 mln yevroga sotib olgan edi. Ushbu mavsumda futbolchi barcha uchrashuvlarda 39 ta o‘yin o‘tkazib, 2 ta gol va 14 ta gollik uzatma amalga oshirgan.

Shuningdek, futbolchining "Reynjers" bilan amaldagi shartnomasi 2024-yilning yozigacha amal qiladi.