Dortmundning «Borussiya» klubi hujumchisi Erling Xoland o‘zining o‘yini borasida fikr bildirdi.
«O‘zimga yuqori baho berishim kerak emas. O‘zimni yaxshi o‘yinchi ekanimni his qilish hamisha muhim ahamiyatga ega bo‘lgan. Lekin boshqa kuchli o‘yinchilar ham ko‘p. O‘zimni zo‘r o‘yinchi deb hisoblamasligim kerak. Aslida ham shunday.
O‘zimni juda yaxshi his qilyapman. Barchasi tushdagidek. Lekin faoliyatimda unchalik yaxshi bo‘lmagan o‘yinlar bo‘ldi. Umuman olganda, atrofimda yaxshi o‘yinchilar ko‘p va bundan xursandman. Men faoliyatimning boshida turibman. Hali oldinda ko‘p narsalar kutib turibdi», – dedi Xoland.
Avvalroq 19 yoshli futbolchiga «Real», «Yuventus» va «Manchester Yunayted» klublari tomonidan qiziqish borligi haqida ma’lumot tarqatilgan edi.
Xoland ushbu mavsumda «Borussiya» safida Bundesliga doirasida 8ta o‘yinda maydonga tushib, 9ta gol urdi va 2ta golga uzatma berildi.