Angliyaning "Liverpul" klubi bosh murabbiyi Yurgen Klopp videorejim mashg‘ulotlaridan zavq olayotganligini yashirmadi.
«Ba’zilarning fikricha, ushbu uchrashuvlar va mashg‘ulotlar odatiy uchrashuvlarga o‘xshaydi. Lekin, aslo unday emas. Biz soat 10da boshlaymiz, chat esa 9:30da ochiladi. Bu vaqtga kelib barcha allaqachon yig‘ilgan bo‘ladi. Dastlabki uchrashuvlarda futbolchilar belgilangan vaqtdan oldin jamlanishdi, shuning uchun chatda tartibsizlik yuzaga keldi. Hozir esa vaqtida yig‘ilishmoqda, chunki, jarimalarni hech kim bekor qilmagan. Agar kimdir kech keladigan bo‘lsa, u holda jarima to‘laydi - Kloppning so‘zlaridan iqtibos keltirmoqda "Liverpul" klubi rasmiy sayti.
