«Barselona» bosh murabbiyi Enrike Setyen klub rahbariyatidagi mojarolar haqida o‘z fikrini bildirib o‘tdi.
«Bu katta klublarda yuz berishi mumkin bo‘lgan normal jarayonlar. Bu haqda matbuotda yozilayotgani afsuslanarli holat. Albatta, xotirjam muhitda ishlagan yaxshi. Yuz bergan voqealar Lionel Messini o‘z qarorini o‘ylab ko‘rishga va uni jamoadan ketishga majbur qiladi, deb o‘ylamayman. Ishonchim komil, u faoliyati shu yerda yakunlaydi», – dedi Setyen "TV3" telekanaliga bergan intervyusida.
32 yoshli hujumchi "Barselona"da 2003 yildan beri o‘ynaydi. Uning amaldagi shartnomasi 2021 yilgacha mo‘ljallangan.