Sport tadqiqotlari xalqaro markazi (CIES) mamlakatlar tomonidan "eksport" qilingan futbolchilar soni bo‘yicha reytingni e’lon qildi.

Unga ko‘ra, 28 nafar o‘zbekistonlik futbolchi hozirda legioner maqomini olgan. Ularning 75 foizi, ya’ni 21 nafari yuqori divizionlarda o‘ynamoqda. Bu ko‘rsatkich bo‘yicha O‘zbekiston Osiyo mamlakatlari orasida 5-o‘rinni band etgan. Yaponiya (161), Avstraliya (124), Janubiy Koreya (121), Xitoy (29) yurtimizdan yuqoriroq o‘rinda joylashgan.

Ushbu reytingni esa Braziliya boshqardi. Markaz 1600 nafar braziliyalik legionerni ro‘yxatga olgan. Ularning 74.6 foizi mamlakatlarning yuqori ligalarida o‘ynamoqda. Ikkinchi o‘rinni Fransiya (1027 o‘yinchi), uchinchi pog‘onani esa Argentina (972) band etgan. Angliya va Ispaniya kuchli beshlikka kirgan bo‘lsa, Serbiya oltinchi pog‘onani egallagan.

Umuman olganda, 186ta mamlakat eng kamida bir nafar futbolchini "eksport" qilgan. Ular 93ta mamlakatning 141ta ligasi o‘ynashmoqda.