"Manchester Yunayted" va Braziliya terma jamoasi sobiq himoyachisi Rafael Pereyra da Silva "PSJ" hujumchisi Neymarga ba’zi maslahatlarni berdi.

Rafael Braziliya olimpiya terma jamoasi safida Neymar bilan birgalikda London-2012da ishtirok etgan.

"Neymar Braziliyaga kerak, bunga shubha yo‘q. Lekin u maydon tashqarisidagi ko‘p narsalarni yaxshilashi kerak. Bu futbolchi uchun muhim ahamiyatga ega. Shunda bizda muvaffaqiyat uchun ulkan imkoniyatlar yuzaga keladi. U yetakchimi? Men bunday deb o‘ylamayman. U o‘z diqqat-e’tiborini faqat futbolgagina maksimal darajaga ko‘tarsa, jahonning eng yaxshi o‘yinchisiga aylanishi mumkin.

Futbol o‘yinchi hayotidagi birinchi o‘rindagi masala bo‘lishi kerak, biroq Neymar atrofdagi ko‘p narsalarga o‘ralashib qolgan. U maslahatlarga amal qilmaydi. Men haqiqatni aytaman, ammo ba’zi insonlar tinglashni istashmaydi. Ular o‘zi haqida faqatgina "Sen sehrgarsan", deya aytishlarini xohlashadi. Hayotda esa buni bo‘lmaydi. Neymar ko‘proq eshitishni o‘rganishi kerak. Agar u buni qilsa, Braziliyani to‘xtatib bo‘lmaydi", — dedi da Silva.