Ijtimoiy tarmoqlarda futbol xabarlarini o‘qir ekanman, bir qiziq ma’lumotga ko‘zim tushib qoldi. Buni qaranki, futbol yulduzlari orasida til o‘rgatuvchi pedagog ham bor ekan.    

Ma’lumotlarga qaraganda “Manchester City” forvardi Serxio Aguero karantin vaqtida yangi ishga qo‘l urdi.

Gap shundaki, Buyuk Britaniyada maktablar yopilgani bois BBC telekanali tashabbusi bilan mashhurlar ishtirokida maktab yoshidagi bolalar uchun TV-darslar o‘tilmoqda. Xususan, argentinalik hujumchi ikki hafta davomida BBC telekanali taklifi bilan ispan tilidan dars bermoqda.

Qiziq holat, shunday emasmi? Futbolchi mazkur harakati bilan 2020 yilning feyr-pley sovriniga loyiq ko‘rilsa, ajab emas. To‘g‘ri, bu sovrin yashil maydondagi halol o‘yin uchun beriladi. Lekin hozir vaziyat boshqa, bu hammamizga kundek ravshan.

Bir savol tug‘iladi. Qayerda qoldi bizning “feyr-pley“chilarimiz? Biz ulardan biror bir fandan dars o‘t demaymiz, hech bo‘lmaganda o‘zlarining tajribalarini yosh avlodga o‘rgatishga bel bog‘lashsa, futbolimiz yanada rivojlangan bo‘larmidi?

Islomjon Omonjonov