Madridning "Atletiko" klubini boshqarishi mumkin bo‘lgan yana bir nomzod paydo bo‘ldi.
«Matraschilar» rahbariyati agar argentinalik mutaxassis Diyego Simeone jamoani tark etadigan bo‘lsa, uning o‘rnini bosishi mumkin bo‘lgan murabbiy topib qo‘yishdi.
Sir emaski, Simeone ayni paytda dunyoning eng ko‘p maosh oluvchi murabbiylar ro‘yxatida yetakchi o‘rinlarni birida turadi. Ammo, koronavirus epidemiyasi deyarli dunyoning barcha klublarini qutqarish usullarini izlashga majbur qilmoqda. Shu sababli, "Atletiko" klubi yili 22 million yevro oladigan argentinalik mutaxassisning maoshini pasaytirishga harakat qilmoqda.
Ispaniya OAVsining yozishiga qaraganda, Simeone "Atletiko" klubining bu taklifiga rozi bo‘lmaydi va shunda "matraschilar" o‘z murabbiylari bilan xayrlashishga majbur bo‘ladi.
Mabodo, agar ushbu hodisa ro‘y beradigan bo‘lsa, «Atletiko» rahbariyati janubiy amerikalik mutaxassisning o‘rniga Massimiliano Allegrining variantini ko‘zlab turishibdi. Allegri "Yuventus" klubini tark etganidan beri, deyarli bir yil mobaynida ishsiz yuribdi.
