Мадриднинг "Атлетико" клубини бошқариши мумкин бўлган яна бир номзод пайдо бўлди.
«Матрасчилар» раҳбарияти агар аргентиналик мутахассис Диего Симеоне жамоани тарк этадиган бўлса, унинг ўрнини босиши мумкин бўлган мураббий топиб қўйишди.
Сир эмаски, Симеоне айни пайтда дунёнинг энг кўп маош олувчи мураббийлар рўйхатида етакчи ўринларни бирида туради. Аммо, коронавирус эпидемияси деярли дунёнинг барча клубларини қутқариш усулларини излашга мажбур қилмоқда. Шу сабабли, "Атлетико" клуби йили 22 миллион евро оладиган аргентиналик мутахассиснинг маошини пасайтиришга ҳаракат қилмоқда.
Испания ОАВсининг ёзишига қараганда, Симеоне "Атлетико" клубининг бу таклифига рози бўлмайди ва шунда "матрасчилар" ўз мураббийлари билан хайрлашишга мажбур бўлади.
Мабодо, агар ушбу ҳодиса рўй берадиган бўлса, «Атлетико» раҳбарияти жанубий америкалик мутахассиснинг ўрнига Массимилиано Аллегрининг вариантини кўзлаб туришибди. Аллегри "Ювентус" клубини тарк этганидан бери, деярли бир йил мобайнида ишсиз юрибди.
