Бразилия терма жамоаси устози Карло Анчелотти Жаҳон чемпионати – 2026 доирасидаги Марокаш миллий терма жамоасига қарши илк баҳс учун бошланғич таркибни аниқлаб бўлганини маълум қилди.
«Марокаш билан учрашувда кимлар майдонга тушишини аллақачон биламан. Бу масалада менда аниқ тушунча бор. Мисрга қарши ўтказилган ўртоқлик учрашувида жуда яхши ҳаракат қилдик. Менга Рафинья ва Винисиуснинг боғлами жуда маъқул келди. Иккаласи ҳам ўзини аъло даражада кўрсата олди», — дея италиялик мутахассиснинг сўзларини келтирмоқда Globo.
Бразилия ва Марокаш ўртасидаги учрашув 14 июнь куни бўлиб ўтади. Шунингдек, мундиалнинг гуруҳ босқичида Анчелотти шогирдлари Гаити ва Шотландия терма жамоалари билан куч синашишади. Жаҳон чемпионати 11 июндан 19 июлга қадар АҚШ, Канада ва Мексика майдонларида бўлиб ўтади.
