Ламин Ямал Испания терма жамоасининг Жаҳон чемпионати — 2026 доирасидаги илк ўйинига тайёр бўлиши керак. «Барселона» вингери шу йилнинг апрель ойида олган жароҳатидан сўнг тикланиш жараёнини ўтамоқда ва бу жараён якуний босқичга кирди.
AS нашрининг хабар беришича, «Барселона» Ямалнинг мундиалдаги илк учрашувдаёқ майдонга қайтишига рухсат берган. Бироқ «кўк-анорранглилар» бу борада шарт қўйишди — клуб футболчининг майдонга қайтиши босқичма-босқич амалга оширилишини истамоқда: биринчи ўйинда тахминан 15 дақиқа, иккинчи ўйинда 45-60 дақиқа ва шундан кейингина тўлиқ ўйинларда ҳаракат қилиш имконияти.
Испания терма жамоаси Жаҳон чемпионатидаги илк учрашувини 15 июнь куни Кабо-Верде терма жамоасига қарши ўтказади.
