Испания терма жамоаси ва «Барселона» вингери Ламин Ямаль каталонияликлар сафидаги жамоадошларини ҳисобга олмаганда, қайси футболчиларнинг ўйинини кузатишни ёқтириши ҳақидаги саволга жавоб берди.

«Неймар. У менинг кумирим. Шунингдек, Жереми Доку ва Райан Шерки», — дея Ямалнинг сўзларини келтиради The Touchline.

Қайд этиш лозимки, Жереми Доку ва Райан Шерки клуб даражасида «Манчестер Сити» шарафини ҳимоя қилишади. Неймар эса «Сантос» сафида тўп суради ва у ўз фаолиятидаги сўнгги Жаҳон чемпионатида иштирок этишга тайёргарлик кўрмоқда.

Ламин Ямаль жой олган Испания терма жамоаси Жаҳон чемпионатидаги илк ўйинини 15 июнь, душанба куни Кабо-Вердега қарши ўтказади.