«Реал» ёзги трансфер режаларини белгилаб олди. Журналист Мигель Серранонинг берган маълумотларига кўра, Мадрид клуби янги футболчиларни сотиб олиш учун 300 миллион евродан ортиқ маблағ сарфлашни режалаштирмоқда.
Жамоа эркин агентга айланган Ибраима Конате, «Интер»дан Дензел Дюмфрис, «Бавария»дан Майкл Олисе, шунингдек, эҳтимолий равишда яна бир ёки иккита янги ярим ҳимоячи ва чап қанот ҳимоячисини ўз сафига қўшиб олмоқчи.
Таркибни бундай кенг кўламда янгилашни молиялаштириш учун «қаймоқранглилар» тахминан 200 миллион евролик футболчиларни сотиб юборишни ҳам кўзлашмоқда. Бунда Федерико Вальверде, Эдуардо Камавинга, Гонсало Гарсия, Фран Гарсия ва Дани Себальос каби футболчилар жамоани тарк этиши мумкин.
