Жозе Моуриньо бош мураббий этиб тайинланган тақдирда жамоада кўришни истаган футболчилари рўйхатини шакллантирди. Бу ҳақда футбол инсайдери Рамон Альварес де Мон ўз ижтимоий тармоқларида маълум қилди.
Журналистнинг берган маълумотларига кўра, Моуриньо Ибраима Конате ва Дензел Думфрис номзодларини маъқуллаган. Уларнинг трансфери ҳақида аввалроқ клуб президенти Флорентино Перес маълум қилган эди.
Бундан ташқари, Моуриньо яна уч нафар футболчини ўз таркибига қўшиб олмоқчи. Булар — Риккардо Калафьори, Бернарду Силва ва Матеуш Фернандешдир. Қайд этилишича, португалиялик мураббий Орельен Тчуамени жамоани тарк этган тақдирда, сўнгги исми тилга олинган футболчи трансферини амалга ошириш ташаббуси билан чиқмоқчи.
