Xalqaro Olimpiya qo‘mitasi (XOQ) prezidenti Tomas Bax Tokio-2020 yozgi Olimpiya o‘yinlarining ko‘chirilishi munosabati bilan bog‘liq bir necha savollarga javob berib o‘tdi.

«Oldimizda yana bir muhim vazifa – Olimpiya o‘yinlarini o‘tkazish turibdi. Bu nafaqat XOQ, balki yaponiyalik hamkorlarimiz, Olimpiya jamoatchiligi oldidagi murakkab vazifa. Olimpiya o‘yinlarining uzoq yillik tarixida birinchi bor bunday murakkab vaziyatda turibmiz. Tabiiyki, bir qator moliyaviy savollar ham paydo bo‘ladi. Aniq raqamlarni ayta olmaymanku, lekin XOQ bu borada bir necha yuz million dollarlik zararni o‘zi qoplashga tayyor«, – dedi Tomas Bax.

Eslatib o‘tamiz, bu yil o‘tkazilishi kerak bo‘lgan Tokio Olimpiadasi 2021 yilning 23 iyulidan 8 avgust sanasiga ko‘chirilgan.