«Manchester Siti» hujumchisi Serxio Aguero o‘zining taomlanish tizimi va diyeta saqlashi haqida aytib o‘tdi.
«2013 yildan 2016 yilgacha men barqaror ovqatlanmadim. Shundan so‘ng diyetolog bilan hamkorlik qila boshladim. Natijada ovqatga nisbatan munosabatni o‘zgartirdim. Men mutaxassisga go‘shtni yaxshi ko‘rishimni aytdim. U esa menga go‘shtni haftada bir marta yeyish kerakligini aytdi. Qornim ochib ketganida esa menga tovuq go‘shti va guruch yeyishni maslahat berdi.
Futbolda yarim kilo ortiqcha vazn ham ta’sir ko‘rsatadi. Hozirda vaznimni nazoratda ushlayman. Vaznim 78,5 kg.ga yetsa, o‘zimni yomon va kuchsiz his qilaman», - dedi Aguero.