Italiyaning «Inter» klubi sobiq hujumchisi Diyego Militoning fikricha, Lautaro Martines «Barselona» klubi sharafini himoya qilishga loyiq va Lionel Messi bilan birga muvaffaqiyat qozonishga qodir.
«Messi faoliyati davomida ko‘plab hujumchilar bilan birga to‘p surdi. U o‘zining faolligi, tezligi va tajribali uchun himoyachilarni qiyin ahvolga solib qo‘ydi. Lekin uning bu darajaga chiqishida ko‘plab futbolchilar yordam berdi.
Men Martinesni «Barselona» klubiga o‘tishi haqida ko‘p eshitdim. Hatto bu haqda "Barselona" bosh murabbiyi Kike Setyen o‘z intervyusida gapirganida ham eshitdim. Lautaro iqtidorli futbolchi, shuning uchun, «ko‘k-anorranglilar» uni sotib olishga qiziqmoqda.
Agar «Barselona» 4-3-3 sxemasi ostida Messi, Suares va Lautarolar bilan o‘ynasa, u holda, "Barselona" YECHLdagi yangi muvaffaqiyatlar haqida o‘ylasa bo‘laveradi», — dedi Milito.
