Xitoyning Sinxua agentligi xabar berishicha, 2020 yilning oxirigacha Xanchjouda o‘tadigan 19-Osiyo o‘yinlari 58 ta ob’ektining 48 tasi va yordamchi ob’ektlar qurib bitkazilishi rejalashtirilgan.

Umumiy hisobda 2022 yilgi Osiyo o‘yinlari uchun musobaqalar bo‘lib o‘tadigan 53 ta ob’ekt, Osiyo o‘yinlarining besh qishlog‘i va 31 ta mashq o‘tkaziladigan ob’ekt zarur. Ulardan qirqtasining qurilishi 2019 yilda boshlangan edi. Musobaqalar o‘tkaziladigani boshqa ob’ektlardagi qurilish ishlari bu yil boshlandi.

“Bizning maqsadimiz – musobaqalar o‘tkaziladigan 42 ta asosiy va yordamchi ob’ektlarni shu yilning oxirigacha tugallashdan iborat. Bu qurilish ishlari umumiy hajmining 85 foizini tashkil etadi”, – deb bayonot berdi Xanchjoudagi Osiyo o‘yinlarining Tashkiloiy qo‘mitasi.

2022 yilgi Osiyo o‘yinlarida Xanchjou o‘zining intellektual tizimlarining eng kuchli tomonlarini namoyish etib, “aqlli” raqamli yuqori texnologiyalardan keng foydalanishni rejalagan.

19-Osiyo o‘yinlari musobaqalari o‘tkaziladigan barcha ob’ektlar qurilishini 2021 yil mart oyida tugallash ko‘zda tutilgan.

Xanchjoudagi XIX Osiyo o‘yinlari 2022 yil 10-25 sentyabrda bo‘lib o‘tishi rejalashtirilgan. Bu Xitoyda o‘tkazilayotgan Pekin-1990 va Gunchjou-2010dan keyingi uchinchi Osiyo o‘yinlari bo‘ladi.