«Leypsig» hujumchisi Timo Verner faoliyatini davom ettirishning faqat ikkita variantini ko‘rib chiqmoqda.

"The Athletic" tarqatgan xabarga ko‘ra, 25 yoshli futbolchi «Liverpul»ga o‘tishni istamoqda. Agar uning mersisaydliklar safiga transferi amalga oshmasa, u holda germaniyalik futbolchi kelasi yilning yoziga qadar o‘z jamoasida qoladi.

Ma’lumotlarga qaraganda, Vernerning «Leypsig» bilan shartnomasida badal puli ko‘rsatilgan bo‘lib, 60 million yevro to‘lagan jamoa Timoni qo‘lga kiritadi. Kelasi yilning yozida ushbu summa 40 million yevroga, 2022 yilning yozida esa 25 million yevroga tushadi. Ushbu band har yili 15 iyunga qadar amalda bo‘ladi.

Avvalroq Vernerning xizmatlariga «Yuventus», «Bavariya», «Barselona» va «Inter» klublari ham qiziqish bildirishgan edi.

Hujumchi ushbu mavsumda 25ta o‘yinda maydonga tushib, 21ta gol urdi va 7ta golga uzatma berdi.