Dortmundning "Borussiya" klubi yarim himoyachisi Jeydon Sancho jamoasini o‘zgartirishi mumkin.
20 yoshli angliyalik futbolchi uchun kurashga "Bavariya" va "Manchester Yunayted" klublari qo‘shildi, deya yozmoqda ESPN.
Myunxenliklar futbolchining transferi borasida "arilar" bilan aloqaga chiqqan. Sanchoning "Borussiya" bilan 2022 yilgacha mo‘ljallangan shartnomasi bor, qaysidir jamoa havbek uchun 120 million yevroni to‘lashni xohlasa, dortmundliklar uni qo‘yib yuborishga tayyor. Moliyaviy inqiroz bo‘lishiga qaramay, "Borussiya" futbolchi uchun chegirma qilib berish haqida o‘ylamayapti.
Manbaning qo‘shimcha qilishicha, Sancho uchun kurashda "Manchester Yunayted" yetakchilik qilmoqda. "Bavariya" esa "Siti" futbolchisi Saneni qo‘lga kirita olmasa, Sanchoni xarid qilishga tayyor.
