«Inter» klubining sobiq bosh murabbiyi Luiji Simoni 22 may kuni 82 yoshida vafot etdi. Bu haqida milanliklar matbuot xizmati xabar qildi.

«Futbol olami buyuk murabbiy va ajoyib insonni yo‘qotdi. Xayr Jiji, biz seni sog‘inamiz», — deyiladi «Inter» xabarida.

Ma’lumot uchun, Simoni futbolchilik faoliyati mobaynida «Napoli» bilan Italiya Kubogida zafar quchgan, «Jenoa» safida "B" Seriya g‘olibiga aylangan.

Murabbiylik davrida «Inter» bilan UYEFA Kubogini qo‘lga kiritgan, "C" Seriyada beshta sovringa ega chiqqan. 1998 yilda eng yaxshi italiyalik murabbiy nomiga loyiq ko‘rilgan.

Mutaxassis milanliklardan tashqari «Napoli», «Lasio», «Siyena», «Torino» va boshqa bir qator Italiya klublarini boshqargan. Simoni 2019 yilda insultga yo‘liqqandi.