Uesli Sneyder 2019-yilning yozida futboldagi professional faoliyatini yakunlagan edi.
"Inter"da o‘ynaganida u dunyoning eng yaxshi futbolchilaridan biri deb hisoblangan, ammo oxir-oqibat "Oltin to‘p"ni yuta olmadi. 35 yoshli gollandiyalik futbolchi hech qachon bunga intilmaganini tan oldi.
"Men Lionel Messi yoki Krishtianu Ronaldu kabi bo‘lishim mumkin edi. Shunchaki buni xohlamagan edim. Hayotdan shunchaki zavqlandim.
Leo va Krishtianu bir-biridan mutlaqo farq qilishadi. Men bunga yaxshi munosabatdaman. Shunga qaramay, mening faoliyatim juda ajoyib edi", - dedi Snayder Janluka Di Marsio bilan suhbatda.
Eslatib o‘tamiz, Uesli Sneyder faoliyati davomida "Ayaks", "Real", "Inter", "Galatasaray", "Nitsa" va "Al-G‘arafa" jamoalarida to‘p surgan.
