Уэсли Снeйдер 2019-йилнинг ёзида футболдаги профессионал фаолиятини якунлаган эди.
"Интер"да ўйнаганида у дунёнинг энг яхши футболчиларидан бири деб ҳисобланган, аммо охир-оқибат "Олтин тўп"ни юта олмади. 35 ёшли голландиялик футболчи ҳеч қачон бунга интилмаганини тан олди.
"Мен Лионель Месси ёки Криштиану Роналду каби бўлишим мумкин эди. Шунчаки буни хоҳламаган эдим. Ҳаётдан шунчаки завқландим.
Лео ва Криштиану бир-биридан мутлақо фарқ қилишади. Мен бунга яхши муносабатдаман. Шунга қарамай, менинг фаолиятим жуда ажойиб эди", - деди Снeйдер Жанлука Ди Марцио билан суҳбатда.
Эслатиб ўтамиз, Уесли Снeйдер фаолияти давомида "Аякс", "Реал", "Интер", "Галатасарай", "Ницца" ва "Аль-Ғарафа" жамоаларида тўп сурган.
