АҚШ, Канада ва Мексика яшил майдонларида старт олган футбол бўйича 2026-йилги жаҳон чемпионати учрашувлари қизғин паллага кирмоқда. Қувонарлиси, мусобақанинг навбатдаги муҳим баҳсларидан бири ўзбекистонлик ҳакамлар жамоасига ишониб топширилди.
ФИФА рефериси Илгиз Танташев бошчилигидаги ҳакамлар бригадаси "G" гуруҳи доирасидаги Шотландия ва Марокаш терма жамоалари ўртасидаги учрашувни бошқариб боради. Мазкур баҳс 20-июн куни Тошкент вақти билан соат 03:00 да старт олади.
Учрашувда ҳамюртимизга қанотларда лайнсменлар — Андрей Цапенко ва Тимур Гайнуллин ёрдам беришади.













