Лионель Месси ўзининг олтинчи жаҳон чемпионатидаги иштирокини даҳшатли тарзда бошлади. 38 ёшли ҳужумчи Жазоир дарвозасини уч бор ишғол этди ва гуруҳ босқичи 1-туридан ўрин олган баҳсда Аргентинага 3:0 ҳисобидаги ғалабани тақдим этди.
Энди мундиаллар тарихидаги энг ёши катта хет-трик муаллифи унвони айнан Мессига тегишли — 38 ёшу 357 кунлик. «Интер Майами» вакили 2018 йилда 33 ёшу 130 кунлигида хет-трик қайд этган аввалги рекордчи Криштиану Роналдуни сезиларли даражада ортда қолдирди.
Португалиялик футболчи ушбу рекордни бугуннинг ўзидаёқ қайтариб олишга ҳаракат қилиб кўради — унинг жамоаси турнирдаги иштирокини ДР Конгога қарши ўйин билан бошлайди. Эслатиб ўтамиз, Роналду ҳозир 41 ёшда.
