Angliyaning «Everton» klubi darvozaboni Jordan Pikford APLning 30-tur doirasida "Liverpul" klubiga qarshi bo‘lib o‘tadigan derbi haqidagi fikrlari bilan o‘rtoqlashdi.
— Har bir uchrashuvda g‘alaba qozonishni xohlaymiz, derbidagi g‘alaba esa futbolchilar va muxlislar uchun alohida o‘rin tutadi. Biz qanchalik yaxshi ekanligimizni va «Liverpul»ni mag‘lub eta olishimizni ko‘rsatishimiz kerak. Bilamiz, "Liverpul" kuchli klub hisoblanadi, qolaversa, ular peshqadamlik qilishmoqda. Lekin shunday bo‘lsada, ularni qanday qilib mag‘lub etishni bilamiz. Biz bu ishni muxlislarimiz va o‘zimiz uchun amalga oshirmoqchimiz, - Pikfordning so‘zlaridan iqtibos keltirmoqda Sky Sports.
