Англиянинг «Эвертон» клуби дарвозабони Жордан Пикфорд АПЛнинг 30-тур доирасида "Ливерпуль" клубига қарши бўлиб ўтадиган дерби ҳақидаги фикрлари билан ўртоқлашди.
— Ҳар бир учрашувда ғалаба қозонишни хоҳлаймиз, дербидаги ғалаба эса футболчилар ва мухлислар учун алоҳида ўрин тутади. Биз қанчалик яхши эканлигимизни ва «Ливерпул»ни мағлуб эта олишимизни кўрсатишимиз керак. Биламиз, "Ливерпуль" кучли клуб ҳисобланади, қолаверса, улар пешқадамлик қилишмоқда. Лекин шундай бўлсада, уларни қандай қилиб мағлуб этишни биламиз. Биз бу ишни мухлисларимиз ва ўзимиз учун амалга оширмоқчимиз, - Пикфорднинг сўзларидан иқтибос келтирмоқда Sky Sports.
