Germaniyaning «Verder» klubi hujumchisi Klaudio Pisarro Joze Mourinyo va Xosep Gvardiolalarning murabbiylik faoliyati haqidagi fikrlari bilan o‘rtoqlashdi.
«Afsuski, Mourinyo bilan atigi uch oy ishladim, ammo, shu vaqt mobaynida uni qanchalik yaxshi murabbiy ekanligini va futbolchilarni qo‘llab-quvvatlashini ko‘rdim.
Gvardiola o‘zining tahliliy faoliyati bilan qoyil qoldiradi. U eng mayda tafsilotlarni tahlil qilishni, qaysi futbolchilarga ishonishini va ularni qanday ishlatishni yaxshi biladi.
Pep mening fikrlashimni kengaytirdi, u boshqa murabbiylarga qaraganda, futbolga boshqacha qaraydi. U har doim fikrlash va taktik jihatdan boshqalardan ustun turadi. Pep – men ishlagan murabbiylarning eng yaxshisi», – dedi Pisarro.
