Германиянинг «Вердер» клуби ҳужумчиси Клаудио Писарро Жозе Моуриньо ва Хосеп Гвардиолаларнинг мураббийлик фаолияти ҳақидаги фикрлари билан ўртоқлашди.

«Афсуски, Моуриньо билан атиги уч ой ишладим, аммо, шу вақт мобайнида уни қанчалик яхши мураббий эканлигини ва футболчиларни қўллаб-қувватлашини кўрдим.

Гвардиола ўзининг таҳлилий фаолияти билан қойил қолдиради. У энг майда тафсилотларни таҳлил қилишни, қайси футболчиларга ишонишини ва уларни қандай ишлатишни яхши билади.

Пеп менинг фикрлашимни кенгайтирди, у бошқа мураббийларга қараганда, футболга бошқача қарайди. У ҳар доим фикрлаш ва тактик жиҳатдан бошқалардан устун туради. Пеп – мен ишлаган мураббийларнинг энг яхшиси», – деди Писарро.