Xalqaro futbol assosiasiyalari federasiyasi (FIFA) bir mavsum davomida o‘yinchilarga 3ta klub safida o‘ynashga vaqtinchalik ruxsat berdi. Bu haqda tashkilot rasmiy sayti xabar tarqatdi.

Shu paytgacha futbolchilarga bir mavsum davomida 3ta klub safida ro‘yxatdan o‘tish uchun ijozat bor edi, ammo ular faqat 2ta klub tarkibida o‘ynash imkoniyatiga ega edilar. Yangi qoida koronavirus pandemiyasi tufayli yuzaga kelgan qiyin vaziyatda o‘yinchilar orasida ishsizlik xavfini kamaytirish uchun qabul qilindi. Mazkur o‘zgarish darhol kuchga kirdi.

«O‘yinchilar orasida ishsizlik bilan bog‘liq muammo kelib chiqishini oldini olish maqsadida futbolchilar bir mavsumda 3ta klub safida ro‘yxatdan o‘tib, ular safida rasmiy o‘yinlarda ishtirok etishga ruxsat beriladi», — deyiladi FIFA rasmiy sayti tarqatgan xabarda.