Ertadan Superliganing 2020 yilgi mavsumi davom ettiriladi. Salkam uch oylik tanaffusdan so‘ng restartga chiqayotgan mavsum bizga qiziqarli o‘yinlar taqdim etishi shubhasiz.

Bugundan Yoshlar ligasida o‘yinlar davom etadi. Viktor Karpenko murabbiyligidagi «Bunyodkor» o‘rinbosarlari bugun «Qo‘qon-1912» bilan hisob-kitob qiladi. «Bunyodkor» akademiyasi maydonida 18:30da start oladigan bellashuvda «qaldirg‘ochlar» to‘liq ko‘k rangdagi liboslarda harakat qilsa, mehmonlar oq rangdagi liboslarda maydonga tushadi.

Superliganing 4-turidan o‘rin olgan ilk o‘yin ertaga soat 19:00da «Bunyodkor» stadionida start oladi. Vadim Abramov va Baxtiyor Ashurmatov qarama-qarshiligidagi bahs qiziqarli kechishiga shubha yo‘q. O‘rinbosarlarda bo‘lgani kabi mazkur bellashuvda ham «qaldirg‘ochlar» ko‘k, mehmonlar to‘liq oq rangdagi liboslarda to‘p suradi.

U-21 BIRINCHILIGI. 4-TUR
«BUNYODKOR» – «QO‘QON-1912»
12 iyun. Toshkent. «Bunyodkor» akademiyasi maydoni. 18:30
Bosh hakam: Shavkat Nasibullayev.
Qanot hakamlari: Husniddin Bahodirov, Oybek Kallaxo‘jayev.
Zaxiradagi hakam: Abdurashid Xudoyberganov.
Nazoratchi: Rashid Aytekov.
Komissar: Sardor Qudratullayev.

COCA COLA SUPERLIGA. 4-TUR
«BUNYODKOR» – «QO‘QON-1912»
13 iyun. Toshkent. «Bunyodkor» stadioni. 19:00
Bosh hakam: Jasur Muxtorov.
Qanot hakamlari: Andrey Sapenko, Temur Gaynulin.
Zaxiradagi hakam: Shavkat Nasibullayev.
Nazoratchi: Rashid Aytekov.
Komissar: Sardor Qudratullayev.