Ushbu ruknimizga oid tarixiy suratlar bilan tanishtirishda davom etamiz.
Pele Kolumbiya terma jamoasi ustidan kulishda davom etmoqda. Bu uchrashuvda u naqd 4 bor raqiblar darvozasini ishg‘ol qilgan edi.
1996-yil. Raul Madrid universitetida imtihon topshirmoqda. U juda iqtidorli talaba bo‘lgan.
Frans Bekkenbauyer AQSHda oila a’zolari bilan sayr qilmoqda. U o‘z faoliyatining so‘nggi mavsumlarini MLSda o‘tkazgan.
1999-yil. Bu hech qanday fotoshop emas. Braziliya va “Barselona” jamoalari o‘rtasidagi o‘rtoqlik uchrashuvida olingan surat. Rivaldo terma jamoa libosida klubdoshlariga qarshi.
Gullit, Yerkard va Van Basten triosi. Ular o‘z vaqtida “Barselona”dagi MSN yoki “Real”dagi BBC dek qudratga ega edi.
“Liverpul” afsonasi Bill Shenkli doimo muxlislar bilan yaqin bo‘lishga intilgan. Uni hali-hamon muxlislar o‘z qo‘shiqlarida yodga olib turishadi.
1986-yil. Garri Liniker “Barselona” safidagi o‘zining ilk “el-klassiko”sini o‘tkazmoqda. “Santiyago Bernabeo” uni juda yomon qarshi olganidan hayratda.
Jorj Best nima uchun yuqori saviyada uzoq muddat to‘p surmagani ma’lum…
“Nottingem Forest” g‘alati jamoa. Ular bor yo‘gi bir bor APLda g‘olib chiqishgan, lekin naqd 2 bor Yevropa chempionlar kubogi (YCHL)da zafar quchgan. E’tiborlisi shundaki, ular bu ishni ketma-ket uddalashgan.
Gretsiya hujumchisi Angelos Xaristeas Portugaliyani o‘z uyida dog‘da qoldirgan golni final uchrashuvida darvozaga joylamoqda. 1 soniyadan so‘ng, Gretsiyalik futbolchilar afsonaga, portugaliyaliklar omadsizga aylanadi.
1966-yil. Shotlandiyalik futbolchilar Bert Paton va Aleks Fergyusondan ajoyib surat.
1975-yil. Kubog egalari kubogida zafar quchgan “Dinamo Kiyev” jurnal muqovasida ko‘rinish bermoqda.
