Superliga 4-turidan o‘rin olgan “Bunyodkor” hamda “Qo‘qon-1912” jamoalari o‘rtasidagi o‘yindan so‘ng mezbonlar ustozi Vadim Abramov uchrashuv haqidagi o‘z fikrlarini bildirib o‘tdi.
“Uzoq tanaffusdan keyin futbolni sog‘ingan edik. O‘yinda tashabbusga ega bo‘ldik deya olaman. Ayniqsa, birinchi taymda yaratgan vaziyatimizdan keyin raqib yaxshi himoyalana oldi. Ikkinchi taymda ham o‘z o‘yinimizni ko‘rsata oldik va yakunda g‘alabani qo‘lga kiritdik.
Mashg‘ulot o‘yini bilan rasmiy uchrashuvlarning farqi bor. O‘ylashimcha, 3-4 o‘yindan keyin kerakli formani yig‘ib olamiz. Bugun e’tiroz bo‘ladigan ko‘p jihatlar ham shu kabi kamchiliklarga bog‘liq. Umuman, hamma klublar hozir bir xil vaziyatda”, – dedi Abramov.
