«Napoli» va «Yuventus» jamoalari o‘rtasida Italiya kubogining final uchrashuvi yakuniga yetdi.

Rimdagi «Olimpiko» stadionida o‘tkazilgan uchrashuvning asosiy vaqtida hisob ochilmadi. Bunga asosiy sababchi darvozabonlar bo‘lishdi. Ayniqsa, "Yuve" posboni Janluidji Buffon 2-3ta o‘ta qiyin vaziyatlarda jamoasini qutqardi.

Futbolchilarga ortiqcha yuklama tushishining oldini olish maqsadida Italiya kubogi final uchrashuvidan qo‘shimcha bo‘limlarni olib tashlangan edi. Shu bois, navbat darhol penaltilar seriyasiga berildi.

11 metrli jarima zarbalarini Dibala boshlab berdi. Uning zarbasini "Napoli" posboni Meret qaytardi. Boz ustiga, "Yuve" himoyachisi Danilo to‘pni yuqoriga tepib yubordi. Neapolliklar dastlabki 4 nafar futbolchisi bexato zarba berdi, natijada Ronalduning penalti tepishigacha ish yetib kelmadi.

Shu tariqa, "Napoli" mavsumdagi dastlabki sovrinni qo‘lga kiritgan bo‘lsa, "Yuventus" ilk sovrindan mahrum bo‘ldi.

Italiya kubogi. Final
Napoli – Yuventus 0:0 (0:0, 0:0), penaltilar bo‘yicha - 4:2
Napoli – Meret, Di Lorenso, Maksimovich, Mariu Ruy (Xyusay, 81), Kulibali, Fabian Ruis (Allan, 80), Demme, InsinYE, Zelinski (Elmaz, 88), Kalyexon (Politano, 66), Mertens (Milik, 67).
Yuventus – Buffon, de Ligt, Aleks Sandro, Bonuchchi, Pyanich (Bernardeski, 74), Kuadrado (Remzi, 85), Duglas Kosta (Danilo, 66), Matyuidi, Bentankur, Ronaldu, Dibala.
Ogohlantirishlar: Bonuchchi (51), Mariu Ruy (77), Dibala (83).