Ushbu ruknimizdagi eng so‘nggi yangiliklar bilan tanishtirishda davom etamiz.
Beyli APL nishonida
Leverkuzenning “Bayer” jamoasi vingeri Leon Beyli uchun kurash tobora qizg‘in ko‘rinish olmoqda.
Bild nashrining ma’lum qilishicha, yamaykalik hujumchi bilan APLning bir nechta grand jamoalari qiziqib qolgan. Manbada yozilishicha, Beyli bilan “Manchester Siti”, “Manchester Yunayted” va “Chelsi” shartnoma imzolamoqchi.
Nemis klubi o‘z futbolchisini 70 milliondan kamiga qo‘yib yubormoqchi emas. Futbolchi va klub o‘rtasidagi shartnoma 2023-yilga qadar tuzilgan.
“Chelsi” Jorjinyo sotadimi?
Londonning “Chelsi” klubi Jorjinyo borasida yakuniy qarorga keldi.
“Sky Sports” nashrining ma’lum qilishicha, “Chelsi”futbolchini yozda qo‘yib yubormoqchi emas. Shu sababli, unga ikkinchi imkonni berishga qaror qildi.
Manbada yozilishicha, shu sababli “Chelsi” “Yuvuyentus” tomonidan Jorjino borasida kelib tushgan taklifni rad etmoqda.
“Portu” uning narxini e’lon qildi
Portugaliyaning “Portu” jamoasi yetakchisi Xesus Korona grand jamoalardan biri safini to‘ldirishi kutilmoqda.
“A Bola” nashrining ma’lum qilishicha, “ajdarlar” o‘z futbolchisini sotib yuborishga tayyor, biroq uning transferidan 30 million yevro ishlab olishni reja qilmoqda.
Manbada yozilishicha, yozda yarim himoyachi bilan “Everton”, “Vulverhempton” klublari shartnoma tuzish ilinjida.
Eslatib o‘tamiz, transfermarket nashri uni 20 million yevroga baholamoqda.
Luis “Arsenal”dan ketadimi?
Londonning “Arsenal” jamoasi himoyachisi David Luis 30 iyun sanasidan so‘ng, boshqa “koninirlar” sharafini himoya qilmasligi mumkin. Uning “Siti” bilan o‘yinda olgan qizil kartochkasi sababli 3 ta o‘yinda ishtirok etish huquqidan mahrum qilmoqda.
The Guardin nashri bergan ma’lumotlarga qaraganda, Luiz klub bilan shartnoma imzolamoqchi emas. Shu sababli, uning uchun mavsum yakunlandi hisob.
Manbada yozilishicha, 33 yoshli himoyachi Braziliya chempionati klublaridan biri bilan shartnoma imzolashni reja qilmoqda.
“Milan” futbolchisi e’tibor markazda
Milanning “Milan” jamoasi yarim himoyachisi Ismoil Bennasir yozda top klublardan biriga o‘tishi mumkin.
TMW nashrining ma’lum qilishicha, 22 yoshli jazoirlik futbolchi uchun PSJ va “Manchester Siti” jamoalari kurash olib bormoqda.
Manbada yozilishicha, Bennasirning tavon puli 50 million yevroni tashkil etmoqda.
